ફોર એસ વી - પ્રભાતનાં પુષ્પો

અમર પાલનપુરી - એક ઉઝરડે

ઈર્ષ્યા જ્યારે આળસ મરડે;
ખાર તો શું, ખુદ ફૂલો કરડે.

ધોઇ નાખ્યા હાથ સ્વજનથી,
કોણ હવે શત્રુમાં ખરડે?

ભૂલ્યા કેમ ભુલાશે મિત્રો?
ઘાવ હજુ તાજા છે બરડે!

ઊંડા ઘા તો કૈંક સહ્યા, પણ -
જાન ગયો છે એક ઉઝરડે.

મેરુનો મહિમા ગાનારા,
અંજાયા છે એક ભમરડે!

કહેશે કોણ ઝવેરી તમને?
ફેંકી દીધાં રત્ન ઉકરડે!

રાખ્યું નામ અમર એથી શું?
કોને છોડ્યો મોતના ભરડે?

          - અમર પાલનપુરી
(Amar Palanpuri- Aek Ujardae. Ghazals in Gujarati. Literature and art site)

રાજેન્દ્ર શુક્લ - ગઝલ

(ખાસ પંચમ શુકલને આભારી છીએ આ ગઝલ મોકલવા બદલ)

એવોય કોક સૂરજ કે ઊગવા ન ઈચ્છે,
ના આથમે કદી બહુ ઝળહળ થવા ન ઈચ્છે.

ઊંબર આ એક તડકો આવીને થિર થયો, લ્યો
કાયા જરાય એની લંબાવવા ન ઈચ્છે.

ઝીલી શકો કશું તો સદભાગ્ય એ અચિંત્યું,
વ્હેતો પવન કશુંયે આલાપવા ન ઈચ્છે.

ત્યાંનું ય તે નિમંત્રણ, ત્યાં યે અકળ પ્રતીક્ષા,
ભરપૂરતા અહીંની કયાંયે જવા ન ઈચ્છે.

અભરે ભરાય એવી એકેક ક્ષણ મળી છે,
કોઇ વિશેષ એને છલકાવવા ન ઈચ્છે.

         - રાજેન્દ્ર શુકલા (Rajendra Shukla Ghazal. Ghazal news in Gujarati. Literature and art site)

સૈફ પાલનપુરી - નામ

ખુશ્બૂમાં ખીલેલાં ફૂલ હતાં
                  ઊર્મિમાં ડૂબેલા જામ હતાં,
શું આંસુનો ભૂતકાળ હતો
                  - શું આંસુનાં પણ નામ હતાં.

થોડીક શિકાયત કરવી'તી
                  થોડાક ખુલાસા કરવા'તા,
ઓ મોત જરા રોકાઇ જતે -
                  બેચાર મને પણ કામ હતાં.

હું ચાંદની રાતે નીકળ્યોતો
                  ને મારી સફર ચર્ચાઇ ગઇ,
કંઇ મંઝિલ પણ મશહૂર હતી
                  - કંઇ રસ્તા પણ બદનામ હતાં.

જીવનની સમીસાંજે મારે
                  જખ્મોની યાદી જોવી'તી,
બહુ ઓછા પાનાં જોઇ શક્યો,
                  બહુ અંગત અંગત નામ હતાં.

પેલા ખૂણે બેઠાં છે એ
                  "સૈફ" છે મિત્રો જાણો છો?
કેવો ચંચલ જીવ હતો
                  ને કેવાં રમતાંરામ હતાં!

          - સૈફ પાલનપુરી
(Saif Palanpuri- Naam. Ghazals / Vicharo in Gujarati. Literature and art site)

સૈફ પાલનપુરી - નામ

(ખાસ દિપિકાબહેન અને મેહુલભાઇને આભારી છીએ આ ગઝલ પંક્તિ મોકલવા બદલ)

જીવનની સમીસાંજે મારે
                  જખ્મોની યાદી જોવી'તી,
બહુ ઓછા પાનાં જોઇ શક્યો,
                  બહુ અંગત અંગત નામ હતાં.

          - સૈફ પાલનપુરી
(Saif Palanpuri- Naam. Ghazals / Vicharo in Gujarati. Literature and art site)

પંચમ શુકલ - સંવનન એક ઉખાણું

          - પંચમ શુકલ (Pancham Shukla - Savann ek Uukhanu. Poems in Gujarati. Literature and art site)

કલ્પેન્દુ- કેવો છુટી ગયો

હતા અમારા આંગણામાં જે બે-ચાર ફુલો,
માળી કોઈ બગીચાનો આવી ચૂંટી ગયો.

એટલા તો બરડ હશે નસીબ અમારા,
વિધીના લેખનો લખનારો પણ ફુટી ગયો.

વહેંચાઈ જ્યારે ભાગ્યની દોલત સૌ ને,
મારા પછી બદનસીબીનો ખજાનો ખૂટી ગયો.

આવ્યો હતો એ અંતરથી ખબર પૂછવાને,
જતી વેળા મારા નામની છાતી કુટી ગયો.

જુઓ રડે છે સમય ચોધાર આંસુએ ખૂણામાં,
લાગે છે કે એ મારો ખજાનો લૂંટી ગયો.

સમજદારીના પ્રવાહે ધોઈ નાખ્યા કિનારાઓ,
સુખ-દુ:ખ વચ્ચેનો સેતુ જે હતો તૂટી ગયો.

થઈ આંખ બંધ અને દિશાઓ ખુલી ગઈ,
શ્વાસ જ્યારે છેલ્લો મુજથી વિખુટો ગયો.

કેવો સંગીન ભાસતો આપણો આ સંગાથ,
જુઓ પળવારમાં કેવો છુટી ગયો.

          - કલ્પેન્દુ
(Kalpendu - Kevo chhuti gayo. Ghazal in Gujarati. Literature and art site)

રાજેન્દ્ર શુક્લ - ઈચ્છાની આપમેળ

(ખાસ પંચમ શુકલને આભારી છીએ આ ગઝલ મોકલવા બદલ)

ઈચ્છાની આપમેળે એણે દડી ઉછાળી,
બહુ એકલો હતો એ ને પાડવીતી તાળી.

મૂળ શબ્દ ઊપન્યો કે તણખો કીઘો અફાળી,
કંઈયે હતું નહીં ત્યાં દીધું બધું ઉજાળી.

કૂંપળ થઈને કોળ્યો, ઝૂલ્યો થઈને ડાળી,
ફલછોડ થઇને આખર મઘમઘ થયો છે માળી.

કરતાઅકરતાબંને છે, ને નથી કશું યે,
વીંટળાઈ ખુદ રહ્યો છે, છે ખુદ રહ્યો વીંટાળી.

અંદર ભરાઈ સઘળે મલકે છે મીઠું મીઠું,
કેવો ગતકડું એનું ખુશ થાય છે નીહાળી.

         - રાજેન્દ્ર શુકલા (Rajendra Shukla Iichha ni aap maal. Ghazal news in Gujarati. Literature and art site)

મનહર મોદી - તડકો

તડકો

તારો વિશેષ સ્પર્શ ફરી માણવા મળે
આકાશ હોય આંખમાં ને ચાલવા મળે

તડકો ટચાક ટેરવે ઝૂલે ને ગણગણે
મારી સમીપ એમ મને આવવા મળે

ખબળે છે દ્વાર એમનાં આવાગમન સમાં
સાચે કશું ન હોય છતાં આવ-જા મળે

ટુકડો સુંવાળું સુખ મને ના કામનું જરા
આખું મળે તો થાય, તને આપવા મળે

ઊગે છે કોઇ આંખમાં એવાંય સ્વપ્ન બે
એક દેખવા મળે ને બીજું દાઝવા મળે

         - મનહર મોદી (Manohar Modi- Tadko. Ghazal in Gujarati. Literature and art site)

રાજેન્દ્ર શુકલા - તમને ખબર નથી

         - રાજેન્દ્ર શુકલા (Rajendra Shukla Tamne Khabar. Ghazal news in Gujarati. Literature and art site)

મનહરલાલ ચોકસી મુનવ્વર - વૂક્ષની ડાળેથી ટહુકો ગયો

         - મનહરલાલ ચોકસી મુનવ્વર (Manharlal Choksi MoonvVar- Vruksh ni daali thi tahuko gayo. Ghazal news in Gujarati. Literature and art site)

અશરફ ડબાવાલા - તે શું હતું?

          - અશરફ ડબાવાલા (Ashraf Dabaawalla- te shu hatu? Ghazals in Gujarati. Literature and art site)

જયંત પાઠક -પ્રીત

એક એવી તે પ્રીત અમે કીધી
કે ઘૂંટમાં આખી પિયાલી પીધી !

          - જયંત પાઠક
(Jayant Pathak - Preet. Poems in Gujarati. Literature and art site)

હરજીવન દાફડા - નીકળવું છે

વારાફરતે વારામાંથી નીકળવું છે;
મારે આ જન્મારામાંથી નીકળવું છે;

જન્મોથી હું એની અંદર જકડાયો છું,
ઇચ્છાઓના ભારામાંથી નીકળવું છે;

તેથી સઘળું જગના ચરણે અર્પણ કીધું,
મારે તારા-મારામાંથી નીકળવું છે;

કાયમ શાને જન્મ-મરણના ભયમાં રહેવું?
સંસારી આ ધારામાંથી નીકળવું છે;

અજવાળાના સ્વામી થોડો ટેકો કરજો,
ભીતરના અંધારામાંથી નીકળવું છે.

          - હરજીવન દાફડા (Harjivan Dafada - nikalvu chhe. Ghazal in Gujarati. Literature and art site)

પ્રિન્સ અમેરીકા - તારી યાદ આવે છે - 1

તારી યાદ આવે છે.
સ્કોર્લ કરું મારી જુની યાદો ને,
હાઇપરલિંક થઇ ને તું સામે આવે છે.

એક એક મીનિટ તારી યાદ આવે છે,
સ્ક્રીન સેવર ની જેમ તું સામે આવે છે.

બેસુ છું કામ કરવા
મિનિમાઇસ કરું છું મારી બધી વિનડોને,
ડેસટોપ ની જેમ તું સામે આવે છે.

ડીલીટ કરુ છું એ યાદોની ફાઇલ ને
પન થોડી થોડી વારે એ રીસાઇકલ બિન માથી પાછી આવે છે.

શટડાઉન કરું છું મારી સીસ્ટમ
તો પન શટડાઉન મેસેજમાં તું આવે છે.

સ્કેન કરું છું મારી હારડડીક્સ ને
વાઇરસ બનીને તું સામે આવે છે.

         - પ્રિન્સ અમેરીકા ( PrinceAmerica - tari yaad ave chhe Poems / humor / fun in Gujarati. Literature and art site)

ગની દહીંવાલા (અબ્દુલગની અબ્દુલકરીમ) - ખોવાણું રે સપનું

મારું ખોવણું રે સપનું,
ક્યાંક જડે તો દઇ દેજો એ બીજાને ના ખપનું,
                           મારું ખોવણું રે સપનું.

પૂર્વ કહે છે પશ્રિમ તસ્કર, દક્ષિણ કે'છે ઉત્તર,
વગડા કે'છે ચોર આ વસતિ, પર્વત કે'છે સાગર,
ધરતીને પૂછું તો દે છે નામ ગગનમંડપનું,
                           મારું ખોવણું રે સપનું.

વ્હારે ધાજો જડ ને ચેતન મારી પીડ પિછાની,
અણુ અણુ સાંભળજો મારા સમણાની એંધાણી;
તેજ તણા અંબાર ભર્યા છે, નામ નથી ઝાંખપનું,
                           મારું ખોવણું રે સપનું.

ખોળે મસ્તક લૈ બેઠી'તી એક દી રજની કાળી,
જીવનની જંજાળો સઘળી સૂતી પાંપણ ઢાળી;
નીંદરના પગથારે કોઇ આવ્યું છાનુંછપનું,
                           મારું ખોવણું રે સપનું.

         - ગની દહીંવાલા (અબ્દુલગની અબ્દુલકરીમ) (Gani Dahiwala - khovanu re sapnu. Ghazal in Gujarati. Literature and art site)

મહેન્દ્ર વ્યાસ 'અચલ' - કોઇ પ્રીત કરી તો જાણે !

કોઇ પ્રીત કરી તો જાણે !
અંતરમાં આ શીતળ અગનને કોઇ ભરી તો જાણે !

         - મહેન્દ્ર વ્યાસ 'અચલ' (Mahendra Vyas 'Aachal' Poems / Ghazalz in Gujarati. Literature and art site)

જીદગી

અમારી જીદગીથી એ રમત કેવી રમી બેઠા
અમે પણ એ રમતમાં કેટલાં ઘાવો ખમી બેઠા. (Zindagi. Ghazal in Gujarati. Literature and art site)

અહેમદ ગુલ - મૌન પડઘાયા કરે

(ખાસ દિપિકાબહેનને આભારી છીએ આ ગઝલ અંગ્રેજીમાં અભિપ્રાયમાં મોકલવા બદલ)

મૌન પડઘાયા કરે

મૌન પડઘાયા કરે
શબ્દ સંતાયા કરે

માનવી એવા મળે
કે ન સમજાયા કરે

ભુલવા જેને મથુ
એજ દેખાયા કરે

ઉત્તરો છે લાખ
પ્રશ્નો પુછાયા કરે

"આપણા" ની કરવતે
લોક વેહરાયા કરે

કેમ ખીલીને પાછું
પુષ્પ કરમાયા કરે

"ગુલ" દિવસ તો જાય પણ
રાત ગભરાયા કરે (Ahmed Gul - Maun Padhaya kare. Poems in Gujarati. Literature and art site)